समाचार
मिति २०७९।०६।०९ मा कचनकवल गा.पा. अध्यक्ष श्री कालिन्द्र प्रसाद सिंह राजवंशीज्यूको अध्यक्षतामा उपाध्यक्ष श्री नवराज भट्टराईज्यूको उपस्थितिमा बसेको सर्वदलीय बैठकका निर्णय तथा फोटोहरु |
मिति २०७९।०६।०९ मा कचनकवल गॉउपालिकाका अध्यक्ष श्री कालिन्द्र प्रसाद सिंह राजवंशी ज्यूको अध्यक्षतामा उपाध्यक्ष श्री नवराज भट्टराईज्यूको उपस्थितिमा कचनकवल गाउँपालिका भित्र रहेका सुरक्षा निकायका कार्यालय प्रमुखहरू,विभिन्न राजनीतिक दलका प्रतिनिधिहरू, सामाजिक अभियन्ताहरू , क्लब प्रतिनिधिहरूसँग नजिकिदै गरेको चॉडबॉडहरूमा हुनसक्ने सम्भावित घटनाहरू नियन्त्रण सम्बन्धमा छलफल गरी देहायका निर्णयहरू कार्यान्वयन गर्ने सर्वदलीय प्रतिवद्धता गरेको व्यहोरा सम्बन्धित सरोकारवालाहरूमा जानकारी गराईन्छ ।
१. नेपालीहरुको महान पर्व दशैं, तिहार तथा छठ पर्व लगाएतको अवसरमा सम्भावित सुरक्षा जोखिमलाई मध्यनजर गर्दै उक्त पर्वहरुको समयमा यस कचनकवल गाउँपालिका क्षेत्र भित्रका सम्पूर्ण होटल व्यवसायीहरुलाई राती ८:०० बजे सम्म मात्र व्यापार व्यवसाय संचालन गर्न दिने ।
२. नजिकिदो चाडपर्वहरु लक्षित गरी संचालन हुने जुवातास. डाइस लगायत प्रतिबन्धित खेलहरु संचालन तथा बिक्री वितरणमा प्रतिबन्ध लगाउने |
३. यस गा.पा. क्षेत्र भित्र रहेका ट्राफिक सम्बन्धी समस्याहरु समाधान गर्न तपसिल बमोजिम व्यवस्थालाई अनिवार्य रुपमा कार्यान्वयनमा लैजाने |
तपसिल:
१. अनिवार्य रुपमा हेल्मेट प्रयोग गर्ने |
२. दुई पांग्रे सवारीसाधनमा दुई जना भन्दा बढी यात्रु सवार हुन नदिने |
३. सवारी चालक अनुमतिपत्र तथा सवारी साधन नवीकरण बुक(Bill Book) अनिवार्य रुपमा आफ्नो साथमा राखेर मात्र सवारी साधन संचालन गर्न प्रोत्साहन गर्ने |
४. मादक पदार्थ सेवन गरी सवारी साधन संचालन गर्न नदिने |
५. सडक छेउमा पशु चौपायाजन्य बस्तु खुल्ला रुपमा नछाड्ने साथै चरनजन्य कार्यहरु नगर्ने |
६. सडक किनारामा रहेका अव्यवस्थित पार्किंग हटाउने प्रक्रिया अघि बढाउने |
